الرئيسية
تسجيل الدخول
انشاء حساب 
رجل العدالةفبراير 8th 2011, 2:40 am
يوم القيامة...بالتفصيل وبالتفسير العلمى
[size=21]هيحصل حدثين هاااائلين ف اليوم ده محدش يعرف معادهم غير ربنا سبحانه وتعالى............يوم ترجف الراااااجفة.......
يعنى
هتيجى قذيفة قوية جدا هتضرب الارض من الجنب
ف تعكس دوران الارض
ف تشرق الشمس من الغرب
.........فتيجى الاية وتقولك ان زلزلة الساعة ليوم عظيم.......
....يوم ترونها تذهل كل مرضعة عن ما ارضعت........
يعنى اللى بترضع هترمى ابنها وهيا بترضعه
بعد الاية ترجف الراجفة..يقولك ايه تتبعها الراادفة......
يعنى الشمس هتنفجر!!!!!
العلم الحديث بقى بيقولك ايه
لو انفجرت الشمس هيحصل الاتى:
ف خلال 10 دقايق
هيكون كوكب عطارد وكوكب الزهرة والقمر جوا الشمس
عشان كدة بيقول ف الاية: وجمع الشمس والقمر..يقول الانسان يومئذ اين المفر؟........
ف ربنا يقول كلا لا وذر...يعنى لا ملجأ....
وساعتها هيكون الغلاف الجوى ملتهب...عشان كدة الاية بتقول يوم تمور السماء مرا.....
وتسير الجبال سيرا.....من كتر ما درجة الحرارة هتكون عالية جدا على سطح الارض وهتوصل ل 16000 درجة مئوية
اللهم اجرنا من النار وعذاب النار
فالجبال هتتحرك من مكانها
ليه بقى؟؟
درجة حرارة البراكين بتكون 3500 وعندها الصخر بيدوب
فما بالك لما درجة الحرارة تكون 16000!!!!!!!!!!!!!!!
كل حاجة هتسيح الانسان والجبال وكل ما هو حى وغير حى
كمان لما توصل درجة الحرارة ل 16000 درجة مئوية...الماء هيتفكك
يبقى غاز...اكسجين وهيدروجين..H2O
الاكسجين لوحده بيساعد عالاشتعال
والهيدروجين لوحده بيشتعل مصحوب بصوت انفجار
وبالتالى الماء والبحارهيتحولوا ويبقوا كالوقود
عشان كدة الاية بتقول: واذا البحار سجرت....
وبكدة سطح الارض هيتحول ويبقى مصهور بركانى مفيهوش اى معالم
فتلاقى الاية بتقول: انا لجاعلون ما عليها صعيدا جرزا.....
يعنى مسح كامل
بعد كدة المادة السودا اللى السما هتكون مليانة بيها
المادة السودا دى هتطوى الكون كله وتقفل عليه كئنها بتقفل كتاب
سورة الانبياء:يوم نطوى السماء كطى السجل للكتب,كما بدئنا اول خلق نعيده,,وعدا علينا انا كنا فاعلين........
وف اية تانية: والسماء مطويات بيمينه يوم القيامة....
وهنا تنتهى الحياة بكل اشكالها ويرجع الكون كله للعدم
....ويبقى وجه ربك ذو الجلال والاكرام.......
بعدين تيجى بقى لحظة البعث
مش هيكون فيه غير الكرة الارضية بس...ومش هتكون على شكل كورة..لاء هتكون مسطحة
....واذا الارض مدت......
وهيكون سطح الارض كله رمل
..وكانت الجبال كثيبا مهيلا....
يعنى الجبال كلها اصبحت رمال
والعلم بيقول ان رماد الانسان كثافته اقل من الرمل
ف بهزة بسيطة لسطح الارض هنطفو على سطح الرمال ونبعث
.......اذا زلزلة الارض زلزالها واخرجت الارض اثقالها.......
واول ما الرماد بتاعنا يبقى عالسطح
بصيحة واحدة او زجرة واحدة ..فاءذا هم قيام ينظرون.....
كدة عرفت شكل الارض هيكون ايه...السما بقى؟
هتكون سودا اوى ومفيهاش اى حاجة
ولا نجوم ولا قمر ولا سحب ولا شمس
يعنى ضلمة شدييييييدة تعم الكون
وكل انسان هيكون شايل اوزاره على ضهره وماشى ف الرمل
وفوضى فظيعة مالية المكان
.....واذا القبور بعثرت......
...يخرجون من الاجداث كالفراش المبثوث......يعنى كالجراد المنتشر
يعنى المنظر هيكون فظيييع
وف وسط كل ده
....يوم لا يخزى الله النبى والذين امنوا معه....
الله اكبر...يارب اجعلنا منهم
هتلاقى الانبياء واللذين امنوا معه ماشيين وفيه نور حواليهم ينورلهم طريقهم
....نور يسعى بين ايديهم وبايمانهم....
الاية دى...سبحان الله كئنها شريط فيديو
...يوم يقول المنافقون والمنافقات للذين امنو,انظرونا نقتبس من نوركم,قيل ارجعوا وراءكم.......
تقوم الملايكة تيجى وتبعد المنافقون والمنافقات دول وترجعهم لورا ف يكون النبى واللى معاه ف الوسط
ف الاية تكمل وتقول:
....فضرب بينهم بسور له باب,باطنه فيه الرحمة وظاهره من قبله العذاب......
و دى اول بشرى للرسول وللذين امنوا معه يوم القيامة
وهنا الاية الجميلة اوى تقولك ايه:
....واشرقت الارض بنور ربها,ووضع الكتاب......
يارب انعم علينا اننا ننظر لنور وجهك الكريم يااااااارب
اللى بيحصل بقى ساعة توزيع الصحف
اللى بياخد الكتاب بيمينه ويرفعه لفوق...اللهم اجعلنا منهم
واللى هياخده بشماله ويخبيه ورا ضهره..والعياذ بالله
وطبعا المؤمن لما يفتح كتابه هيلاقى كل سيئاته ممحية
ربنا غفرها له
ياااااااارب اغفرلنا وارحمنا قبل البعث ويوم البعث ويوم العرض عليك
امين...امين....امين
بالله عليكو لو حد استفاد حاجة.....يسيب تعليقه
[/size]
